Azahara Domínguez diputatuaren bisita instituzionala KL katealegaia Zarautzera
Joan den ekainaren 26an, ostegunez, Azahara Domínguez Mugikortasuneko, Turismoko eta Lurralde Antolaketako foru diputatuak Zarauzko KL katealegaia lantokia bisitatu zuen. Bisitan ere parte hartu zuten Zarauzko alkatea, Xabier Txurruka, eta Gipuzkoako Foru Aldundiko Lurralde Antolaketako zuzendaria, Lore Suárez.
Ibilbidean zehar, gure jarduera industriala eta soziala bertatik bertara ezagutzeko aukera izan zuten. KL katealegaiako ordezkariek azaldu zituzten Gipuzkoan desgaitasuna duten pertsonentzat kalitatezko eta inklusiozko enplegua sortzera bideratutako proiektu nagusiak.
Diputatuak nabarmendu zuen KL katealegaiaren moduko ekimenek duten garrantzia, jarduera produktiboaren bidez lurraldeko laneratzea eta kohesio soziala sustatzen baitituzte. Era berean, prozesu industrialen iraunkortasunarekin, lan antolakuntzaren berrikuntzarekin eta foru erakundeekin lankidetza aukerekin lotutako gaiak jorratu ziren.
Zarauzko plantan, batez ere muntaketa eta mekanizazio jarduerak egiten dira, eta gaur egun 70 pertsona baino gehiago ari dira lanean, desgaitasuna dutenak guztiak, sektore ezberdinetako enpresei industria zerbitzuak eskainiz.
KL katealegaiatik eskerrak eman nahi dizkiegu bisitan erakutsitako interes eta babesagatik, Gipuzkoan desgaitasuna edo gizarte- eta lan-bazterkeriako arriskua duten pertsonentzat etengabeko hobekuntza eta enplegu duin eta inklusiboa sortzeko dugun konpromisoa sendotzen baitute.
