KL katealegaiako Akziodunen Batzar Nagusiak 200 lagun baino gehiago elkartu ditu

Joan den ekainaren 9an egin genuen KL katealegaiako Akziodunen Batzar Nagusia. Ekitaldira 200 lagun baino gehiago bildu ziren, eta erakundeko partaidetzen %71,5 egon zen ordezkatuta.

Lantegi guztietako lankideak Tolosako Topic museora hurbildu ziren, 2017ko ekitaldia eta kontuak errepasatzeko. Urte honetan gainera, Estatutuen egokitzapena onartu genuen, non berariaz sartzen den Katealegaia irabazi asmorik gabeko enpresa dela.

Jardunaldia bere giro lasai eta adeitsuagatik nabarmendu zen, eta amaieran museoa bisitatu eta ohiko cateringa banatu zen.